Ingurura begiratu dut. Txundituta nago. Bada denbora iada hitz hau entzun ez dudala. Badira urte batzuk hitz honek norabide ezberdinetatik ihes egin eta "Bona nit", "Buenas noches", "Dormé bien", "Good night" eta horrelakoetan bihurtu dela. Inoiz jaso dut Gabon! bat whatsappean, agian facebookean eta asko jota Skype batean. Baina iada ahantzirik neukan nolakoa zen bere doinua.
Berriro ingurura begiratu dut. Eta bai, arrazoia nuen. Uste bezala inor ez zen hitz horien jabe. Ziurrenik haizeak oparitxo bat ekarri nahiko zidan. Eta agian zure ezpainek xuxurlatu dituzten hitzak nire belarrietaraino ekarri ditu. Nik badaezpada irribarre egin dut. Ez harritu nire begien dirdirak iratzartzen bazaitu.
Denbora atzera bota behar da blog honen jatorria ezagutzeko. Egun batean ideia bat bezala baino gehiago promesa bat bezala honi buruz hitz egin nizun. Eta askotan, nire agintza bete ez dudala sentitu dut. Jatorria, nire hitzetan aurkitu dezaket. Nire ezkutuko hitzetan. Aldiz, nondik norakoak eskutitz bihur nahiko nituzke. Badakizu, zure laguntza behar dut honi nolabaiteko forma emateko. Zure laguntza behar dut isiltasunak apurtzeko. Baina batez ere, badakizu, zure laguntza behar dut nire hitz burrunbak isiltzeko.
Hau da, zure laguntza behar dut gure eskutitzak sortzeko. Gure ezkutuko hitzak xuxurlatzeko.
Esku bat bota nahi?
Noski... atera dezagun zarata. Itsasoetan zabaldurik, hainbat irla, buruetan kateaturik, zenbait guda.
ErantzunEzabatuGuk idazten, eta agian, norbaitek irakurtzen, ongi pasa dezagun... argitaratu ezkutuko hitzak